نوای حسینی - شروع عزای حسینی

بوگون شیعه ورون باشه حسینین یاسی باشلاندی

نسیم کربلا اسدی غمین دریاسی داشلاندی

داشوب امواج دریاسی بتون عالم لری آلدی
حسینین عشقینی خالق تمامی دیللره سالدی
تمام عالم امکان عجیبه حیرته قالدی
نسیم کربلا اسدی غمین دریاسی داشلاندی

دیئنده هل من ناصر تماماً لشگر آغلاردی
بئشیکده سوت امر اوغلی علی اصغر آغلاردی
حسینین حالینه شاهد اولارکن داغلار آغلاردی
نسیم کربلا اسدی غمین دریاسی داشلاندی

قالوب میدانیده تنها حسینه گویلرآغلاردی
خیمده الده سوجامی بالاجا قیزلار آغلاردی
باخاردی تللین اوستونده اوحاله زینب آغلاردی
نسیم کربلا اسدی غمین دریاسی داشلاندی

الینده تیغ خون افشان دلینده آیه قرآن
قالوب تک شاه مظلومان هواده قوشلار آغلاردی
قاباخدا لشگری سفیان آت اوسته ائیلیر جولان
نسیم کربلا اسدی غمین دریاسی داشلاندی

آت اوسته ناطق قرآن ائیدوب تکیه جداسینه
کمک یوخ دادرس یوخدور باتوب اکبر عزاسینه
یتشدی بیر شقی وردی داشی آنن آراسینه
نسیم کربلا اسدی غمین دریاسی داشلاندی

ال آتدی پاک ائیده قانی گوروندی سینه عریانی
اوخ ائیتدی پاره قرآنی یئیر اوسته آیه داشلاندی
آخوب فوّاره تک قانی ائیدیب گولنار میدانی
نسیم کربلا اسدی غمین دریاسی داشلاندی

قویوب اوز توپراقین اوسته
آخوب قانی اولوب خسته
گلیب زهرا باشی اوسته
نسیم کربلا اسدی غمین دریاسی داشلاندی

بوگون ( آلهیار ) آغلارسان شهنشاهین فراقینده
امیدین وار ائیده دیدار سنی قبرین اوتاقینده
گئلر انشالله اول مولا (علی اصغر) قوجاقینده
نسیم کربلا اسدی غمین دریاسی داشلاندی

آلهیاراسدپور. ،،، 02/07/96

sungun سونگون سسی...