افشای جزئیات گئله بیلمیرم

در این مطلب، جدیدترین اخبار و اطلاعات مربوط به «گئله بیلمیرم» را به همراه نکات مهم و جزئیات تکمیلی خواهید خواند.

در ادامه، تمامی اطلاعات موجود درباره این موضوع به صورت یکجا گردآوری شده است تا بتوانید بدون نیاز به مراجعه به منابع مختلف، جزئیات کامل را مطالعه کنید.

یازاندا دفتره اورک سوزلرین
قلمیم آغلاییر یازا(بیلمیرم)
باهاریم دونوبدی پایزا قشا
گئدیب اوداغلاری گئزه(بیلمیرم)

گدم چیخام اوجاداغلار باشینا
هارای سالام دره سینه داشینا
یئیرده جیرانینه گویده قوشینا
دییم یاشایشدا قالا(بیلمیرم)

گدیم بیرده طبیعت له باریشیم
آخان سوتک دریالارا قاریشیم
چمنلرده اوت اوستونده سوروشیم
هرنه جان آتیرام گئده(بیلمیرم)

گئدیم گئزیم مئشه لرده دویونجا
ینیم اشاقیه چخیم یوخوجا
بو روزگار منی دیزدن سالینجا
فرصت اله سالوب گئده(بیلمیرم)

چیچکلیده گئدیم داشا دیرماشیم
آینالیدا جیران نارا قاری شیم
بیر دوشوم ارس ده سویا بولاشیم
اوره گیم ائیستیر گئده(بیلمیرم)

بابک قلعه سنین چخوم باشینا
باخیم تاریخینه باخیم یاشینا
بیرسوروشوم نلر گئلیب باشینا
نچون قسمت اولمور گئده(بیلمیرم)

آوارسندا داش اوستونده اوتوروم
قاچاق نبی کوراوغلی دان اوخی یوم
گرمئشانی ،دئریم، سبد توخی یوم
هی دئیرم گئدیم گئده(بیلمیرم)

نه اولاردی بیرده جوان اولیدیم
قوش تفنگین دولدوریدیم آتیدیم
قمرآتی منیب دوردم چاپیدیم
دای اولسادا منیب چاپا(بیلمیرم)

مردانقوم زغال اختن یاد اولسون
لواشاسی آقیز لاردا داد اولسون
دئده ،بابا، دوسلاریم نان آد اولسون
یولوم اوزاخ دوشوب گئله(بیلمیرم)

نوجه دهده سیّد مّمد اوجاغی
نه گوزلدی هفته چشمه بولاغی
گئزملیدی خوی نارینین یایلاقی
قسمت اولمو گئدیب گئزه(بیلمیرم)

بیرده گئدیب کرینگانی گوریدیم
مئشه لرده چادریمی قوریدیم
تاتی دانی شیدیم دئیب گولیدیم
دوسلارگویلیم ائیستر گئله (بیلمیرم)

سیّدجبرائیل قسمت اولا گئلیدیم
ایکی رکعت سنده نماز قیلیدیم
حاجتمی منده سن نن آلیدیم
هی آرزو ائیلرم گئله (بیلمیرم)

سونگون آتاکندم او مس معده نیم
تام دنیادا آدیم سانیم وار منیم
امّا دوسلار بوگون چخیب دی الیم
دای قویموللار گئدیب گوره(بیلمیرم)

آلهیارام بو یئیر لردی وطنیم
وطنیم دیر منم شوکتیم شأنیم
یادا سالسین منی گلیب گئدنیم
دای من قوجال میشام گئله(بیلمیرم)

آلهیاراسدپور. ،،، 1396/2/17