آنایوردوم سونگون

آنایوردوم سونگون

سونگون داخی بولاخلارین داشمیری
دومان گئلیب چراخلیدان آشمیری
(آشق صفر) دای سنه سوزقوشمیری
هیشکیم دئمیر یاغیش یاقسین یازاولسون
مجلیس لرده صحبت اولسون ساز اولسون

بو اورک ده نه سببدن دوزوم چوخ
سنه یازام ناغلیم چوخ سوزوم چوخ
اولکه میزده تاماهیم چوخ گوزوم چوخ
هامی کوچوب داخی کتده قالان یوخ
گئچن گونی نچون یادا سالان یوخ

آنایوردوم کوکومیزی قازدیلار
یازیمیزی نیه بیله یاز دیلار
کندین اهلین ریشه سینی گازدیلار
بوراخدیلار داملارینی کوچدیلر
نه اولدی کی غربت سوئی ائیچدیلر

یاز اولارکن گول چیچکلر آچاردی
گوزل گهلیک یواسین نان اوچاردی
دوشان چخوب کول دیبین نن قاچاردی
گئجه وقتی ائیلدیریم لر شاخاردی
هردن ده بیر گویده اولدوز آخاردی

قویون چخوب خیردا داغ دا اوتلاردی
قوزولار دا ملئه شئردی قاچاردی
جاناوار دا قوش قونمازدا اولاردی
چوبانلار دا اونا گولاغ آساردی
چوبان ائیتی جاناواری قوواردی

چال داغ اوسته آخشام گونش باتاندا
کندین اهلی شامین یئیب یاتاندا
آی ایشیقی هرطرفی توتاندا
تللی سازی سینم اوسته آلیدیم
کوهلی ییدیم باش ساری تل چالیدیم

آنایوردوم ساری گونی آلماسی
قیز گئلنین دامدا سرگی سرمسی
چرچی لرین آینا داراخ ساتماسی
ائیندیده وار خیالمده قالوبدی
آتمیش ائیل دن سورا یادا سالوبدی

یادیم یادی بیزه قوناخ گئلردی
آغ سقاّل لار دوره سینی آلاردی
بیوک بابام بئتر نقیل دیئردی
ایندی ده وار گولاغیمده قالوبدی
گئچن گون نریمی یادا سالوبدی

توی اولاندا هامی شادلیق ائیلردی
آشقلار ساز چالوب داستان سئولردی
بئگ ، گئلینده ،آت اوستونده گئلردی
بئگ ، گئلینه ، آلما آتوب قاچاردی
جوان قوجا هامی دئیوب گولردی

اوگون لریم ائیند دوشور یادیما
آغلی یارام یئتن اولماز دادیما
آلهیارام هیچ آد چاتماز آدیما
نه اولاردی هامی باهم اولیدی
اوچمییدی کند ایولری قالیدی

آلهیاراسدپور. ،،، 1396/3/5

برچسبها: الهیار اسدپور, شعر, روستای سونگون, سونگون سسی, سونگون