چیچکلیده

چیچکلیده

کونول قوشی بیرده چخوب سئیرانا
چیچک ،چیچکلیده ،گول چیچکلیده
یاز فصلینده گئزمئلدی آی دوسلار
گئدیب بیر نچه گون قال چیچکلیده

چوخ گوزلدی گئدیب گورسن مئشه سین
آختار گوبلئگی در بنفشه سین
یاشیل چمنلرین سرین چشمه سین
بولبول چیچکلیده گول چیچکلیده

انسانا روح وئیریر گوزل هاواسی
داغ باشندا ائیلات لارین اوباسی
چوبان قوجاقندا قویون بالاسی
اسر نسیم سرین یئل چیچکلیده

چادر قوروب بیر نچه گون قالاسان
عشائردن یاغ قایماغی آلاسان
املیگ اتین ،اود ، اوستونه سالاسان
بهشته اوخشویور چول چیچکلیده

سحر چاغی گونش ایشیق ساچاندا
مه گوتوروب یورقانینی قاچاندا
سونا کهلیک یواسن نان اوچاندا
یاپوشار یئمگه بال چیچکلیده

شئه لی چمن لرده دوروب گئزه سن
تازه چخان بالدیرقانی دره سن
سویوب قابوقنی سون نان ییه سن
طبیعت دن ائیلهام آل چیچکلیده

یادیما دوشنده گئزدگیم یئیرلر
نوراخلی دره لر ، گونی ، قوزی لر
کونلوم جوانلقین حسرتین ائی لر
نه گوننر گئچیر دیم من چیچکلیده

آلهیار دئیرم نه تیز قوجالدین
داغ باشینا دوشن قارتک آغاردین
سن همیشه اوجالاردان باخاردین
چوخ صفالی یئیرلر وار چیچکلیده

آلهیاراسدپور. ،،،،1396/3/7

برچسبها: چیچکلو ورزقان, چیچکلی, الهیار اسدپور, سونگون, سونگون سسی