باشلاندی ماه محرّم عزایه گئل

آماده اُول گی اگنووه قاره لباس گئل
بومجلس حسیندی وار ماجراسی گئل
صاحب عزا اولوب بومجلسه چون صاحب زمان
آغلارحسینه شوریله زهرا آناسی گئل

چونکی خدای لم یضل اوزیدی تعزیت نشین
باشماخ چیخان طرفده دورار زین العابدین
بیر (بیرق) حسین چکلر اوسته منزیلین
باشین آچوب عزایه گئلر ختم مرسلین

آغلار حسینه گویده ملائیک حزین حزین
برپا اولوب دیئلله بوگون مجلسی حسین
آغلار حسینه ، انسیله جنّیله ماسوا
قویموش ایکی الین باشینا مرتضی بوگون

آغلاحسینه شیعه نقدر جان قفسده دی
ماه محرّم اولدی حسین یاسی باشلادی
بسکی حسین عزاسنین آیری هواسی وار
عبّاس تک بو معرکه نین مه لقاسی وار

گئتدی فراته سوگئتیره نازلی قیزلارا
گوز وئردی سو یولوندا نقدری بهاسی وار
قوللار کسیلدی مشگی اولوب اوخلارا نشان
بو نوئیلن اوزون خیامه یئتیرمک هواسی وار

سسلندی یا اخا گئل اوزون آل بو پرچمی
قویما ایاغ لار آتدا قالا احترامی وار
آلدی حسین خیامده عبّاسنین سسین
اهل حرم گوروبله کی میدان هواسی وار

زینب گئتیردی آت، دئدی قارداش سنه فدا
عبّاسمین باشندا بویور نه بلاسی وار
عرض ائیلدی ائویم یخیلدی باجی یاتدی پرچمیم

بیر قیل نظاره عرصه گهین سر صداسی وار

زینب دوتوب رکابینی اولدی آتا سوار
میدانه اوز قویوب گئده دیلده عزاسی وار
بیر سمتیده دایاندی آتی آتمادی قدم
مهمیز گوستریب آتا گوردی نواسی وار

عرض ائیلدی منیم کمی باخسان یئره آقا
حتماً چیخارمی ناله و آهین گویه آقا
قویدی الینی ذوالجناحین یالینه حسین
یاندی اورک ائیدیب اوزمان شیونیله شین

نه گوردیکی قان دولدوروب دور یولی
دوشوب قارداشینین هرایکی قولی
وروب باشه سسلندی عبّاسی وای
بئلیم سیندی قارداش قارداش وای

تاپوب اُول زمان شاه دین قارداشین
عذاره توکوب سیل کمین گوزیاشین
سیلیب هر ایکی گوزلرین قانینی
تغیّیر ائیدیب بسکی احوالینی

قلمده توان یوخ یازام بو سوزون
اوپوب قارداشینین یارالی گوزون
قلم شرم ائدیر منده شاهنشها
بو قدری یازان میر مصیبت داها

نقدر ساقدیر( آلهیار ) آغلار سنه
آقام قسمت ائیله زیارت منه
بیر عمر منتظیر دیر حضوره گئله
یوخون نان مبارک مزارین گوره

آلهیاراسدپور. ،،، 1396/7/2

sungun سونگون سسی...