تقدیم به روح شیر مرد سونگون مرحوم کربلایی عزیزآقا رضانژاد

آللّه رحمت ائیت سین (عزیز آقایا)

آغ ساققال بیوکلر کوچدی دنیادان

اوره گیم دولوبدی بوگون آی دوسلار

آللّه رحمت ائیت سین (عزیز آقایا)

ائیلین بیوگیدی آمان آی دوسلار

هجران درد و غمی یامان سخت اولار

یاخشی لیقدان پیسدن بیرجه آد قالار

انسان گئدر خاطراتی یاد قالار

گئچن گونی یادا ساللام آی دوسلار

بیر زمان واریدی هامی ساغیدی

دورت بیر یانیمیز گولیدی باغیدی

آغ ساققالین احترامی واریدی

گئتدی المیزدن آمان آی دوسلار

حاجی عسگر ،حاجی نبی ، مصطفی

کالبا حبیب، مشه یعقوب ، مش طوفان ،

میرمحمد، حاج فرامرز، قارداش خان

نچه سی اولاردان قالیر آی دوسلار

آشق صفر تویدا دوران سورردی

مجلس بئزه گیدی دییوب گولردی

عسگر نوروز ، بالابانی پولردی

شاد ائلردی کندین اهلین آی دوسلار

ملاابراهیم ، ملااسماعیل واریدی

عالمیدی ائله افتخاریدی

اوندا گوزل گون نریمیز واریدی

کیمدی ائیندی یادا سالان آی دوسلار

خاطر حرمت ائتدی باتدی تالاندی

ائیندی دئساخ افسانه دی یالاندی

انسان گئدر فقط آدی قالان دی

کیمدی بودنیادا قالان آی دوسلار

یولدا کروان بیربیر کوچوب گئدیری

اجل سویون بیربیرهامی ائیچیری

من نه دییم گوندی گئلیب گئچری

قالانلارین قدرین بیلین آی دوسلار

آلهیاردا اورک سوزین یازاندا

گوزلری نین یاشی اوزه آخاندا

زمان پنجره سین آچوب باخاندا

اولورمی قامتی کمان آی دوسلار

آلهیاراسدپور. ،، 1396/1/19

آللّه عزیز عمیه رحمت ائیله سین روح شاد اولسون قالان نارینه تسلیت دئیرم ،، آلهیار اسدپور

سونگون سسی: شیر مردی را از دست دادیم که گذر زمان بیش از پیش قدر و ارزش او را برایمان روشن خواهد کرد. او استوره پایداری و صلابت و مردانگی بود. آری او به معنی کامل کلمه "مرد" بود. واژه ای این روزها کمیاب است. روحش شاد و یادش گرامی باد با عرض تسلیت مجدد به خانواده محترم رضانژاد

برچسبها: سونگون سسی, عزیز آقا رضا نژاد, اکبر رضا نژاد, روستای سونگون, سونگون sungun سونگون سسی...